History

«ԿԻՍԱԲԱՑ ԼՈՒՍԱՄՈՒՏՆԵՐ»

«Կիսաբաց լուսամուտներ» թոք շոուն ստեղծվել է 2010 թվականին: Այն  «Ա - ԹԻՎԻ» հեռուստաընկերության եթերում է 2010 թվականի դեկտեմբերի 13 –ից: 
Սոցիալական թոք շոուն արդեն 5 տարի շարունակ վեր է հանում հասարակության տարբեր շերտերի խնդիրները: Հաղորդման միջոցով մարդիկ կարողանում են բարձրաձայնել իրենց խնդիրներն ու ստանալ հասարակության, մասնագետների ու պարզապես բարի մարդկանց աջակցությունն ու օգնությունը: Նպաստում է անապահով ընտանքիներին ոտքի կանգնելուն: Հաղորդումն աջակցում է նաև սոցիալական օգնության կարիք ունեցող գործազուրկներին՝ աշխատանքի տեղավորման հարցում: Ապահովում նյութական օգնություն  «Կիսաբաց լուսամուտներ» բարեգործական հիմնադրամի շնորհիվ:
«Կիսաբաց լուսամուտներ» բարեգործական հիմնադրամը ստեղծվել է  «Ա - ԹԻՎԻ» սահմանափակ պատասխանատվությամբ ընկերության կողմից «04» հուլիսի 2012 թվականին: Հիմնադրամը գործում է  Հայաստանի Հանրապետության ողջ տարածքում: Հիմնադրամը կարող է գործել օտարերկրյա պետություններում՝ այդ պետությունների օրենսդրությանը համապատասխան:
Հիմնադրամի նպատակներից է՝ օգնություն տրամադրել պատերազմի, տարերային աղետների, համաճարակների հետևանքով տուժած անձանց և մասնակցել դրանց հետևանքների վերացմանը:
Հիմնադրամը համագործակցում է ինչպես Հայաստանի Հանրապետության պետական և ոչ պետական կազմակերպությունների. այնպես էլ արտասահմանյան և միջազգային ընկերությունների և ուսումնական հաստատությունների հետ: